យើងពិតជាមានមោទនភាពក្រៃលែងចំពោះយុវនារីដែលឆន្ទៈខ្ពស់ទាំងពីររូបដែលបានធ្វើជាប្រមុខក្នុងការនាំយកក្តីសង្ឃឹម សុវត្ថិភាព និងអនាគតដ៏ត្រចះត្រចង់សម្រាប់មិត្តភក្តិ និងសហគមន៍របស់ពួកគេ។ ពួកគេត្រូវបានជ្រើសរើសជាសមាជិកនៃគណៈកម្មការតស៊ូមតិស្ត្រី របស់ G.L.O.W សកល។
ជារៀងរាល់ឆ្នាំ G.L.O.W សកល ស្វាគមន៍ដល់អ្នកតស៊ូមតិជាស្ត្រីមកពីជុំវិញពិភពលោកដើម្បីចូលរួមក្នុងគណៈកម្មការតស៊ូមតិស្ត្រីរបស់យើង។ អ្នកតំណាងទាំងអស់នេះ ដែលបានអភិវឌ្ឍមូលដ្ឋានគ្រឹះសម្រាប់ជំនាញតស៊ូមតិរបស់ខ្លួនក្នុងក្លឹប GLOW ចូលរួមកិច្ចប្រជុំពីចម្ងាយប្រចាំខែដើម្បីពិភាក្សាអំពីហានិភ័យដែលក្មេងស្រីកំពុងប្រឈមមុខនៅទូទាំងពិភពលោក ខណៈពេលដែលរៀនសូត្រជាមួយយុវជនផ្សេងទៀតពីការតស៊ូមតិ និងពង្រឹងផែនការរបស់ពួកគេដើម្បីបង្កើតបានផលជះជាវិជ្ជមានសម្រាប់សហគមន៍របស់ពួកគេ។
អ្នកតំណាងគណៈកម្មការតស៊ូមតិស្ត្រី ធ្វើឱ្យអនុសាស្ត្ររបស់ស្ត្រីមានសំឡេងជារៀងរាល់ឆ្នាំក្នុងវេទិការរបស់អង្គការសហប្រជាជាតិ ដូចជាទិវាក្មេងស្រីអន្តរជាតិ និងគណៈកម្មាធិការស្ថានភាពស្ត្រី។
ស្វែងយល់បន្ថែមអំពី មេរ៉ូតី និង ម៉ារីហ្សានៅខាងក្រោម...
G.L.O.W សកល គឺជាអង្គការមិនស្វែងរកប្រាក់ចំណូលដែលមានមូលដ្ឋាននៅសហរដ្ឋអាមេរិក ដែលបង្កើត និងធ្វើប្រតិបត្តិការកម្មវិធីនវានុវត្តជាច្រើនដើម្បីបង្ហាត់បង្ហាញក្មេងស្រីដើម្បីតស៊ូមតិសម្រាប់ខ្លួនឯង និងធ្វើឱ្យសហគមន៍របស់ពួកគេកាន់តែរឹងមាំ។ ស្វែងយល់បន្ថែម នៅទីនេះ.
នាងខ្ញុំឈ្មោះ ម៉ារីហ្សា ខ្ញុំមានអាយុ 17 ឆ្នាំ។ ក្តីសង្ឃឹម និងក្តីសុបិននាពេលអនាគតរបស់ខ្ញុំគឺចង់ក្លាយជាក្មេងស្រីម្នាក់ដែលអាចស្វែងរកដំណោះស្រាយចំពោះបញ្ហានៅក្នុងសហគមន៍របស់ខ្ញុំ និងប្រទេសរបស់ខ្ញុំទាំងមូល។ លើសពីនេះ រឿងដែលខ្ញុំទន្ទឹងរង់ចាំបំផុតអំពីការធ្វើជាតំណាងគណៈកម្មាធិការតស៊ូមតិសម្រាប់ក្មេងស្រី គឺការយល់ដឹងកាន់តែច្រើនអំពីបញ្ហាដែលប្រទេសផ្សេងទៀតកំពុងជួបប្រទះទាក់ទងនឹងសមភាពយេនឌ័រ និងវិធីដោះស្រាយបញ្ហាទាំងនោះ។ ជាងនេះទៅទៀត ខ្ញុំសង្ឃឹមថានឹងធ្វើការតស៊ូមតិសម្រាប់ក្មេងស្រីនៅក្នុងសហគមន៍របស់ខ្ញុំ និងនៅជុំវិញពិភពលោក តាមរយៈការចែករំលែកចំណេះដឹងអំពីអំណាចរបស់ក្មេងស្រី និងសមភាពយេនឌ័រ តាមរយៈការបង្ហោះនៅលើបណ្តាញសង្គមដូចជា Facebook, YouTube ឬ TikTok ។ ខ្ញុំនឹងចែករំលែកអ្វីដែលខ្ញុំបានរៀនពីក្លឹប GLOW ជាមួយក្មេងស្រីនៅក្នុងសហគមន៍របស់ខ្ញុំផងដែរ។ បន្ថែមពីលើនេះ ជំនាញដែលខ្ញុំសង្ឃឹមថានឹងទទួលបានពីការធ្វើជាតំណាងរបស់គណៈកម្មាធិការតស៊ូមតិសម្រាប់ក្មេងស្រី ដែលខ្ញុំមានគម្រោងនាំយកមកប្រទេសរបស់ខ្ញុំវិញ គឺជំនាញភាពជាអ្នកដឹកនាំ ជំនាញទំនាក់ទំនង និងជំនាញតស៊ូមតិ។
នាងខ្ញុំឈ្មោះ មេរ៉ូតីខ្ញុំមានអាយុ 17 ឆ្នាំ។ នៅពេលអនាគត ខ្ញុំសង្ឃឹមថាខ្ញុំអាចដើរតួនាទី ក្នុងការជួយមនុស្សគ្រប់ទិសទី ជាពិសេសក្មេងស្រីក្នុងសហគមន៍របស់ខ្ញុំ ដើម្បីបន្តក្តីសុបិនរបស់ពួកគេ។ ខ្ញុំក៏ចង់សាងសង់បណ្ណាល័យសាធារណៈ ដែលជាបណ្ណាល័យដ៏ធំបំផុតនៅក្នុងប្រទេសកម្ពុជា ដើម្បីឲ្យសិស្សានុសិស្សបានអានសៀវភៅជាច្រើននៅទីនោះ និងធ្វើការស្រាវជ្រាវលើកិច្ចការរបស់ពួកគេ។ តាមរយៈការធ្វើជាតំណាងគណៈកម្មាធិការតស៊ូមតិសម្រាប់ក្មេងស្រី រឿងដែលខ្ញុំទន្ទឹងរង់ចាំបំផុតគឺការឮអំពីក្មេងស្រី នៅក្នុងប្រទេសផ្សេងទៀតដូចជាអាហ្រ្វិក។ លើសពីនេះទៅទៀត ខ្ញុំចង់ស្វែងយល់បន្ថែមអំពីព្រឹត្តិការណ៍អន្តរជាតិដែលត្រូវបានរៀបចំដោយ G.L.O.W. សកល និង UN Women ។ ខ្ញុំសង្ឃឹមថា ខ្ញុំអាចចែករំលែកទស្សនៈរបស់ខ្ញុំជាមួយក្មេងស្រីដោយធ្វើយុទ្ធនាការនៅក្នុងសហគមន៍របស់ខ្ញុំ និងជនបទផងដែរ។ ខ្ញុំពិតជារំភើបណាស់ដែលបានចូលរួមជាមួយ GAC ព្រោះខ្ញុំសង្ឃឹមថានឹងទទួលបានជំនាញជាច្រើនតាមដែលអាចធ្វើបាន។ ជំនាញទាំងនេះមួយចំនួនរួមមាន ជំនាញភាពជាអ្នកដឹកនាំ ការនិយាយជាសាធារណៈ (មិនត្រឹមតែនៅក្នុងសហគមន៍របស់ខ្ញុំប៉ុណ្ណោះទេ ថែមទាំងនៅជុំវិញពិភពលោក) ការគិតបែបស៊ីជម្រៅ ជំនាញទំនាក់ទំនង ធ្វើការងារជាក្រុម និងរបៀបរៀបចំផែនការព្រឹត្តិការណ៍។
