ការស្រាវជ្រាវការកេងប្រវ័ញ្ចផ្លូវភេទតាមអ៊ីនធឺណិត

ភាពជឿនលឿននៃបច្ចេកវិទ្យាព័ត៌មាន ដូចជា អ៊ីនធឺណែត និងឧបករណ៍ទំនាក់ទំនងឌីជីថល បានជំរុញឱ្យមានការរីកចម្រើននៃការងារនយោបាយ សេដ្ឋកិច្ច និងសង្គម ដែលនាំឱ្យប្រទេសកម្ពុជាខិតទៅជិតប្រទេសក្នុងតំបន់ និងពិភពលោក ជាពិសេសធ្វើឱ្យកុមារមានភាពងាយស្រួលក្នុងការទំនាក់ទំនង ស្រាវជ្រាវ​ និងចូលរួមក្នុងបរិយាកាសឌីជីថលសម្រាប់ជីវិត និងសិទ្ធិរបស់កុមារ។ ការប្រើប្រាស់អ៊ីនធឺណេត និងបច្ចេកវិទ្យាឌីជីថលមិនត្រឹមត្រូវ បានបង្កើតការកេងប្រវ័ញ្ចផ្លូវភេទលើកុមារតាមអ៊ីនធឺណិត ដែលជាទម្រង់ថ្មីមួយដែលកំពុងរីករាលដាលនៅជុំវិញពិភពលោក រួមទាំងនៅក្នុងប្រទេសកម្ពុជាផងដែរ។