ភ្នាកងារសម្រាប់ការផ្លាស់ប្តូរចែករំលែកទស្សនៈវិស័យជាមួយលោកជំទាវ។
នៅថ្ងៃទី 2 ខែតុលា ភ្នាក់ងារពីររូបក្នុងចំណោមភ្នាក់ងារស្ត្រីដ៏អស្ចារ្យរបស់យើងធ្វើបទបង្ហាញពីមេរៀន និងបទពិសោធន៍របស់ពួកគេនៅក្នុងបន្ទប់ប្រជុំរបស់ថ្នាក់ដឹកនាំអង្គការក្រៅរដ្ឋាភិបាលនៅសណ្ឋាគារ Himawari ក្នុងទីក្រុងភ្នំពេញ។ ពួកគេទទួលបានការចាប់អារម្មណ៍ពីអ្នកវត្តមានក្នុងសាលទាំងអស់នៅពេលដែលពួកគេនិយាយអំពីក្តីសង្ឃឹម និងការផ្តល់អំណាចដែលអាចបង្កើតឱ្យមានសុវត្ថិភាពតាមអនឡាញសម្រាប់កុមារ 160,000 នាក់ដែលត្រូវបានប៉ាន់ប្រមាណថាត្រូវរងការប៉ះពាល់ពីការបំពានផ្លូវភេទកុមារតាមអនឡាញនៅប្រទេសកម្ពុជា។
កំឡុងពេល សិក្ខាសាលាសិក្សារបស់ OCSE ដែលឧបត្ថម្ភដោយ Family Care First ដោយទទួលបានមូលនិធិពី USAID Mearodey ដែលជាអ្នកតំណាងរបស់ យុទ្ធនាការ "ក្មេងស្រីសម្រាប់សុវត្ថិភាពអនឡាញ" និង Katlika ដែលជាអ្នកតំណាងរបស់ យុទ្ធនាការ "អំណាចរបស់ក្មេងស្រី" បានចែករំលែកបទពិសោធន៍ និងដំណើររបស់ពួកគេនៃការក្លាយខ្លួនជាអ្នកដឹងនាំយុទ្ធនាការដែលកំពុងមានឈ្មោះបោះសំឡេងក្នុងចំណោមស្ត្រីវ័យក្មេងរាប់ពាន់នាក់។
ពួកគេបាននិយាយអំពីអ្នករៀបចំយុទ្ធនាការ សិក្ខាសាលាអំពីទំនាក់ទំនង និងបញ្ហាប្រឈមនៃការសម្របសម្រួល និងការធ្វើការក្នុងរបៀបដែលថ្មីជាមួយគ្នា។ ពួកគេបានចែករំលែកក្តីសង្ឃឹមរបស់ពួកគេ និងកម្លាំងចិត្តដែលពួកគេទទួលបានពីភាពជាអ្នកដឹងនាំ ក្នុងការធ្វើការជាមួយគ្នា ក្នុងការបម្រើ និងការពារអ្នកដទៃ និងក្នុងការតម្រែតម្រង់ខ្លួនឯង។ ភ្នាក់ងារសម្រាប់ការផ្លាស់ប្តូរទាំងនេះបានចែករំលែកដំណើរវីរៈភាពរបស់ខ្លួន និងរបៀបដែលកម្មវិធីសេរីភាព AusCam បានគាំទ្រ បំពាក់បំប៉ន និងផ្តល់អំណាចដល់ពួកគេ។
លោកជំទាវ សម្បត្តិ សុគន្ធា អគ្គលេខាធិការរងក្រុមប្រឹក្សាជាតិកម្ពុជាដើម្បីកុមារ និងលោកស្រី តាន់ សូដានី ប្រធាននាយកដ្ឋានគោលនយោបាយ ICT នៃក្រសួងប្រៃសណីយ៍ និងទូរគមនាគមន៍ ក្នុងចំណោមអ្នកចូលរួម ដែលបានបញ្ជាក់ពីតួនាទីសំខាន់ដែលយុវជនមានក្នុងការប្រយុទ្ធប្រឆាំងនឹងការកេងប្រវ័ញ្ច។ ទាំងអស់គ្នា រដ្ឋាភិបាល យុវជន អង្គការក្រៅរដ្ឋាភិបាល និងក្រុមគ្រួសារ សុទ្ធតែមានអំណាចដើម្បី ធ្វើឲ្យកម្ពុជាក្លាយជាកន្លែងមានសុវត្ថិភាព!
